LadyGaga出名衣著浮誇，由前衛入魔，變成騎呢，最印象深刻莫過於佢三年前穿嘅生牛肉裝，一塊塊紅肉披上身，之後亦試過珍珠面、龍蝦頭、花花頭套令人難忘，要見佢嘅平凡Look似乎只可以上YouTube搜尋佢出道前嘅片段。之不過，最近LadyGaga為好朋友婚禮做姊妹就回歸平凡，同姊妹團一同以粉紅色傳統姊妹裙上陣，披著一頭長長金髮嘅Gaga，更低調企喺一旁免搶得去新娘子風頭。

Gaga身上嘅姊妹裙來自英國姊妹裙品牌Twobirds，售價約港幣$3,000，同一條裙可變出15種款式，Gaga就選擇咗DeepV款，小露性感嘅佢相當優雅，難以想像佢平日喺舞台上嘅女王LadyGaga。



逢周五隨《蘋果日報》附送的時尚美容雜誌《add》第六期經已出版，封面人物是樂基兒。大家還可以上《add》的官網： http://add.appledaily.com睇足本網上版。除有樂基兒專訪，還有很多時裝靚嘢睇！