噚晚第三十八屆十大中文金曲，Juno(麥浚龍)同Kay(謝安琪)憑《羅生門》奪「十大金曲獎」、「全球華人至尊金曲獎」，身穿透視裙嘅Kay落台嗰陣，拉起長裙怕跌，點知整起咗條打底裙，疑似露底，Kay接受訪問時解釋：「其實係肉色打底褲嚟，係用嚟呃大家，你中計啦!哈哈哈!」

Juno同Kay今次拎咗全球華人至尊金曲獎，Juno表示好開心，覺得2015年好完滿，佢講：「因為我打咗呢個電話，釀成呢個《羅生門》，唔係因為做咗呢首歌，而係識咗一個真心嘅朋友。」問佢係唔係覺得上次失落叱咤「我最喜愛金曲」，今次吐氣揚眉，Juno稱一直都係保持開心嘅狀態，每個頒獎禮嘅準則都唔同，好獨立，冇話唔想嘅，拎獎都係團隊功勞，唔係自己一個人嘅功勞。