當年今日
關於我們

【短片】【冇獎競猜大賽】邊位女星面容扭曲?邊個眼大到嚇親人?

蘋果日報 2015/07/21 06:00

蘋果陳嘉桓松岡李那李曼筠唐貝詩即時周嘉莉A2A蔡詠恩

今日有線喺荃灣宣傳節目《3S放大假》,近日夏天,陽光又好,個活動就安排咗喺泳池搞,但今日就落雨搞到要改喺室內進行,不過要睇到嘅都仲可以睇到,就係女星嘅背心短褲,或者有泳衣打底。松岡李那、陳嘉桓、蔡穎恩、李曼筠、周嘉莉、唐貝詩同埋組合A2A都有出席。

而佢哋玩遊戲嘅時候都好落力,好似蔡穎恩咁,玩住呼拉圈再玩波,仲好專心咁望住頭頂個波,搞到變咗一張潛力圖。而李曼筠烏低身時,仲暴乳盡現。

松岡就玩到頭髮飛起晒,仲擺咗個大字姿勢咁。而陳嘉桓就拎住兩個氣球,好似好驚個氣球會爆咁,嚇到伊人面容扭曲,唔係fans都認佢唔到。

李曼筠被提到烏低身走光,佢就堅稱冇走光,裏面嗰件係泳衣,亦有做足安全措施,佢話本來諗住嚟玩水,0依家落雨冇辦法,佢話之後會去台灣拍節目,會去原住民營火晚會同埋玩逆流划艇,好刺激。