賭王四房孻仔何猷君噚日喺instagram自爆冇聽兄弟勸，一心想射「倒掛金鉤」，結果被送去醫院，好在冇弄斷頸，自嘲算命大，更由友人為佢拍咗條送院片，片中猷君個樣幾辛苦，睇嚟真係幾痛(新聞連結： http://bit.ly/1byws6l )。

身為母親嘅梁安琪必定關心愛兒受傷一事，佢噚日接受《蘋果》電話訪問時表示個仔有喺微信通知佢，話猷君去醫院係檢查有冇跌親尾龍骨，不過就話猷君唔使留院，目前已經返咗屋企，仲叫咗猷君以後唔好踢足球(新聞連結： http://bit.ly/1J62O3G )。

不過，猷君就唔太聽話，今日再喺instagram爆自己休息1至2個月就會再次嘗試「倒掛金鉤」，留言：「Injuryupdate:minorfracturesonmyleftcollarbone.Willneed1-2monthstorecoveruntilIcanbicyclekickagain!AnyonewannanursemetillI'mbetter?左邊鎖骨骨折了，可能要休息1-2月才能再次嘗試，倒掛金鉤，痛到起不了床，有誰能當護士照顧我？」

猷君今次跌一跌搞到骨折，真係要小心啲，好好休息，唔好令四太梁安琪太過擔心喇!但青識講笑問有冇人想做佢護士照顧佢，相信都冇咩大礙，好好休息，應該好快好番!