金融海嘯最驚濤駭浪時期究竟係咪已過,成為近日股場中人熱談話題。事關人人見到全球股市由低位已企穩陣腳兼展開反彈,港股最近升勢更令不少股友感到意外,事關睇番本月上旬個環境,誰又能估到個市升得咁快?3月9日滙控(005)股價仲講緊大插至33元,唔少散戶還感覺股海愁雲慘霧,無晒方向。點知原來股海定律無變,就係全民最驚之時,個市見底。
除非你偏好沽空,否則星俠認為炒股,牛市點都好玩過熊市;曾聽過有人話熊市中可以買平貨,我炒股從來唔貪平,亦最怕越買越平,試問買隻股票之後若然日日個價陰住咁跌,投資,仲有乜意義呢?