16年講過想休息一排嘅謝安琪，抖咗冇耐好快就有喜，期後一直喺屋企休養，直到上年3月23號生咗囡囡張靖，抖咗幾個月之後謝安琪就宣佈會喺今年回歸樂壇。

自從上次謝安琪喺私人群組討論流感疫苗被流出之後（新聞連結： http://bit.ly/2FEyp0R ），雖然作為人母嘅謝安琪關心下呢類社會議題都合情合理，但係經過呢個風波之後佢成個人都好似低調咗，冇乜再喺社交網站出現，不過啱啱過去嘅3月13號，係索爆人妻謝安琪嘅生日，今日謝安琪就喺社交網站上面寫道：「衷心感謝大家的祝福，收到許多朋友，在我生日當天，去支持不同慈善團體的收據、相片、感想等等，謝謝大家把對我的愛，化為對社會上有需要的朋友的支持，讓我的生日祝福更加別具意義。」

而出名愛妻顧家嘅老公張繼聰就緊係有表示啦，阿聰今次就充分利用網絡嘅威力，搵咗條搞笑短片俾老婆睇，而謝安琪睇完之後寫道：「我今年收到最滿意的一份禮物，是由張先生親自送出的，我跟他說不要給我買禮物，請說一個笑話讓我開心一整天，不得不說，我真的很滿意。」

精選娛聞，喺晒《娛果》
http://fb.com/appledailyent