今晚就係香港小姐嘅決賽，2013年港姐冠軍陳凱琳擔任星級導師，title係語言教授。

咁呢位語言教授教咗啲咩呢？睇以下佢嘅答案可見一點端倪。

問陳凱琳點睇咁多位佳麗？佢就話：「之前綵排嘅時候有同佢哋一齊傾偈，問佢哋一啲問題，佢哋每個都有唔同性格，我覺得最難得係每個都唔同，希望今晚嘅問答環節，佢哋都可以表現出真性情。」哦…

講到佢嘅徒弟8號Kelly(伍樂怡)，陳凱琳就話：「佢好醒目，佢係一個好謙卑嘅人，唔會話好驕傲，我好鍾意佢呢樣嘢，我今晚都睇好佢。」

講到最近陳凱琳組咗個少婦聯盟，佢就話：「因為之前拍劇嘅時候，同佢哋做咗好好嘅朋友，希望之後套劇播出街嘅時候，觀眾都可以鍾意。」

講到男朋友有冇咩意見，佢就話：「佢就只係話條裙好靚，依家都會畀佢睇下。」

重溫陳凱琳「粉身碎骨」：　 http://bit.ly/2fidd6c