【體Channel●精華版】港足借東錦賽秤實力 陳偉豪：同中日韓鬥攻
蘋果日報 2019/12/11 13:00
陳偉豪東錦賽黃耀富何輝梁冠聰體ChannelVideo Talk
在南韓釜山舉行的東亞足球標賽決賽周(東錦賽)周二(10日)揭幕，港足將會於周三(11日)對南韓；今集【體Channel】由一眾前球員分析香港隊形勢，包括出戰2010年決賽周的陳偉豪、有親細佬梁諾恆入選今屆名單的梁冠聰，以及何輝及黃耀富(富仔)兩位名家。
相隔近十年，港足再次晉身東錦賽決賽周，首場將要面東道主南韓，曾參加2010年賽事的陳偉豪指今次不要太着重賽事比數：「成日輸少當贏冇意思，當有機會同中日韓呢啲強隊認真踢嘅時候，應該大家都打進攻波，試下大家個水平差幾遠。」梁冠聰亦認同偉豪說法：「希望球員可以好好享受，冇乜機會連續對中日韓咁嘅勁旅，球迷點都會撐佢哋，希望借呢個賽事港隊可以搵啱方向發展。」講到發展方向，富仔直言香港應該向日本借鏡：「每次睇日本隊都覺得佢哋用比賽嚟準備另一啲目標，好似今次咁，係準備下屆奧運，香港唔好次次都推一班人出嚟就話下場要點點點，應該定啲長遠目標，起碼都十年。」梁冠聰更指日本隊給予年輕球員不少國際賽機會，一些相對不重要的賽事會讓小將上陣：「就算輸都學到嘢，所以日本球員心態點解咁強。」
富仔更帶出入籍兵問題，他指：「我哋靠外援其實係應該學佢哋嘅嘢再提升自己。」一眾昔日港隊代表都有感而發，何輝表示：「日本、南韓其實已經好少靠外援，係中超多咗，中國隊有啲球員都因為咁提升咗。」偉豪就話：「有質素嘅入籍兵冇乜問題，但入選要睇返狀態體能，有能者居之。」梁冠聰建議一些沒有太多入籍兵的位置，港隊應該要好好發展。最後富仔再以此為一眾小將打氣：「一班後生仔要爭氣，話畀班入籍兵知，未來佢哋要更有質素先可以留喺香港踢。」
記者：蘇兆麟
