【韓流】孫藝珍夥蘇志燮新片破百萬人次 狙擊《初戀築跡101》紀錄
經常請吃飯的漂亮姐姐現在很想見你孫藝珍蘇志燮
韓劇《主君的太陽》男星蘇志燮孖孫藝珍主演嘅新片《現在很想見你》,於上周三白色情人節喺韓國開畫,兩人事隔十多年後再合作,喺票房上亦得到好成績。
喺韓國上映一周,《現在很想見你》已連續七日成為單日票房冠軍,同時截至前日累計觀影人次已逾107萬觀眾,除咗刷新咗三月上映電影最快破百萬觀影人次紀錄外,同時亦比最賣座愛情電影《初戀築跡101》提早一日破百萬人次,唔知最後埋單可唔可以成功突破《初戀築跡101》嘅逾411萬人次紀錄。
截至噚日,《現在很想見你》累計觀影人次已逾116萬觀眾。另外,大前日同前日嘅單日人次比起開畫首日人次更加多,可見憑住口碑將吸引更多觀眾入場捧場。
另外,孫藝珍孖丁海寅主演嘅JTBC新劇《經常請吃飯的漂亮姐姐》下周五首播,劇組噚日公開咗孫藝珍唔同造型嘅劇照,今日再公開兩人甜蜜咀嘴嘅新海報。
更多韓流,喺晒《娛果》
http://fb.com/appledailyent