小S徐熙娣今年4月尾，聲稱因為踩單車時受傷而要告假一個月嚟休息，連平日甚愛上嘅社交網站，佢都減少咗上線次數，令外界擔心其傷勢不輕，更有人質疑小S並非踩單車時發生意外，身上嘅傷係遭到丈夫許雅鈞（Mike）家暴所致。

不過事後小S再次否認家暴，並已重新活躍幕前同社交網。今日凌晨時份，小S如常喺社交網上跟粉絲分享逸事，佢上載咗張自己嘅素顏相留言表示：「好了，我要去睡回籠了！」

由於小S將頭髮都束起，加上素顏關係，令其左眼上嘅疤痕十分明顯，有網友就留言問小S：「想問S~你的眼睛和鼻子嘴巴附近，是上次騎腳踏車遺留下的痕跡嗎？」、「美妝相機吼，眼睛的疤痕好明顯，可憐。」，更有網友重提佢疑受家暴一事嚟講笑：「不是被家暴嗎？XD」、「眼皮被老公打過逢(縫)了好幾針麥克太狠了」