Happy Birthday to Sabrina!今日係四太梁安琪大女何超盈(Sabrina)嘅28歲生日,一班好朋友噚日為佢開派對慶祝,媽咪梁安琪、馬天佑、仁濟前主席嚴玉麟囡囡嚴紀雯(Carmen)等都有出席。
超盈今日喺ig上載一條短片,Carmen拎咗一份禮物送俾壽星女,拆開一睇,原來係一隻鑽石戒指。Carmen話:「係好有意思,因為我第二時嘅……。」都未講完,超盈已經笑到合唔埋口,然後話:「OK,I Say Yes.」其實超盈都單身咗一段時間,似乎真係好想快啲結婚,唔知佢今年嘅生日願望係咪要覓得如意郎君呢?!