日本男星菅田將暉憑主演電影《啊，荒野》熱爆各個日本電影頒獎禮，早前已公佈得獎名單嘅「第42屆報知電影獎」，今日假東京舉行頒獎禮，獲大會頒贈影帝殊榮。

現年24歲嘅菅田將暉過去一年共有四部主演電影上映，包括《帝一之國》、《啊，荒野》、《奇蹟，降臨的一天》及《火花》，令他靠實力成功擊敗福山雅治、木村拓哉、妻夫木聰、淺野忠信等前輩勇奪最佳男主角，而《啊，荒野》更贏得最佳電影，菅田將暉在活動上獲同門師兄松坂桃李祝福，而菅田就坦言對首奪影帝未有好大實在感覺，但就好感激入行以來遇到唔同人和作品。

最佳女主角方面，蒼井優獲頒報知影后寶座，而役所廣司、田中麗奈分別封最佳男、女配角，田中麗奈演出嘅《我們誕下幼子》則為三島有紀子奪得最佳導演。至於賣座愛情片《我想吃掉你的胰臟》兩位主角濱邊美波、北村匠海同得最佳新人，而音樂人坂本龍一、《全員惡人》系列名導北野武均有到場接受特別獎榮譽。

更多娛聞，喺晒《娛果》
http://fb.com/appledailyent