陳輝虹和吳雨亦十分識做,兩人面對鏡頭時狀甚老友,更笑住握手,當現場記者問到何時公佈基仔的加盟時,吳雨即抵死反問陳輝虹,陳輝虹即說:「係你公司嘅嘢,唔係我公司嘅嘢。」吳雨亦扮儍說:「唔知,冇咁嘅事,乜基先?鄭中基呀?佢走唔一定嚟我哋度,輝虹升咗CEO,或者佢發功呢。」在旁的陳輝虹即遮住半邊嘴陰陰笑,對於之前曾發火寸基仔搞新聞,吳雨即插嘴說:「警惕吓啫,唔鬧唔得大,我哋唔會鬧人,只係會錫人。」
此外,側田日前被周刊以影射性質指他去夜總會,前晚他甚大反應說:「冇啲咁嘅事,搞錯呀?呢啲講乜都得,絕對冇咁嘅事,就算係都用自己實力。」記者取笑他憑實力追女仔,他即表示這些話題太敏感,並叫大家不要屈他,因為他的形象已被寫到很衰。
採訪、攝影:王連連