周柏豪今日喺新城宣傳新歌《同行》，佢話首歌係講團結，柏豪話以前嘅自己好個人主義，打波覺得一個人羸到另一隊波，大大下發覺一個人能力好細。

問佢13年樂壇成績係咪大豐收？柏豪坦承：「13年都算係，頒獎禮、生意各方面都OK，好順利，最開心係身體好，12年病到好慘，氣管敏感睇專科話有哮喘。」

講到柏豪頒獎禮成績僅次於陳奕迅（Eason）？佢即謙虛話：「唔好咁講，佢永遠係我偶像同榜樣，佢喺樂壇貢獻好多，帶住我地呢班後輩，唔好話僅次或挑戰，唔敢亦冇咁嘅能力。」柏豪話當然會視Eason為目標，仲話14年可以維持13年嘅成績已好開心。


另外，提到今日既施政報告，柏豪話未睇，講到對影視似乎冇乜特別幫助？佢話：「期待下一次關自己事，我都已經冇乜留意政治，唔係擺好多寄望落去，寧願自己做嘢比心機啲，安頓好自己，0依家唔好諗個社會，個個都要自力更生，照顧到屋企人自己就開心。」