蔚雨芯同張振朗今日去到九龍灣，出席食店開張儀式，本身有投資餐廳嘅蔚雨芯話，今次為一間越南餐廳宣傳，蔚雨芯話：「朋友搵我為越南餐廳宣傳，話我講嘢歪音似越南人，今次仲搵老師教我喺廣告中講食品嘅越南名詞，朋友曾搵我扮泰國空姐拍宣傳廣告。」蔚雨芯指去年到北京工作，講國語太多，回港後要適應講廣東話，o依家講嘢都歪音。