日聯周日上演前列大戰，由榜首的柏雷素爾主場對第四位的浦和紅鑽；柏軍雖然有前鋒杜度提早收「咧」，不過挾聯賽七連勝氣勢，有力保不敗，受讓平/半宜取下盤。（球賽編號：星期日13；有線61及201台今日6:00pm直播）
柏雷素爾近季已建立主攻風格，特別是一眾巴西前鋒更是入球保證，首席射手基斯坦奴達施華前仗對松鼠再建一功，已經累積五個入球，加上迪亞高奧利華拉後備入替亦提供衝擊力，雖然較遺憾是另一名巴西前鋒杜度，因為十字韌帶重傷需休戰八個月，已經等同收「咧」，但球隊擁武富孝介、大津祐樹等大勇的本土戰將，柏軍攻力仍強；柏軍近況亦勇，四月初不敵清水心跳後在日聯已連勝七場，包括擊敗FC東京及大阪櫻花等前列對手，就算上季兩回合均不敵紅鑽，以近期氣勢可保不敗。

紅鑽上仗聯賽被清水心跳逼和3:3，痛失兩分仍排第四位，作客水準亦不穩，雖然前仗聯賽大炒新潟天鵝，但也在橫濱水手、大宮松鼠身上全失三分；紅鑽今戰可強陣出擊，但連續五場聯賽有失波，作客難讓對手。
同日另一場直播，由橫濱水手主場對川崎前鋒（球賽編號：星期日11；有線61及201台今日4:00pm直播），前鋒上周中再大勝蒙通聯，打入亞冠盃八強，攻力強勁，主隊水手近期入球亦多，雙方鬥攻下，中位數[2.5球]的「大」可期。
文：牽牛