假設港股今日大幅裂口低開,跌穿支持位,咁係咪代表要沽貨撤退?其實,散戶炒股最重要係隨機應變,若然認為大市跌勢已成,短期難以扭轉,倒不如早一步撤退好過,大棚人等個市到位至肯沽,到時沽壓肯定加重,人踩人仲濕滯。炒股唔可以一板一眼地行事,否則好易出事。
港股本月首次收市低過萬八點,形勢要注視。個別股份雖仍見炒作,但為求心安起見,建議散戶手上股份有利可圖者,何妨沽貨享受一下賺錢之樂。
華晨(1114)昨日逆市升5.7%,收報1.12元,最高曾見過1.18元;股價走勢咁強,因市傳華晨獲同業一汽及廣汽等覬覦入股,只怕成事即變成「好消息出貨」,有糊要食。
方星俠