【本報訊】滙控（005）年內大翻身，除了獲中國資金青睞，在加息環境下，更有望成為贏家。中環資產投資行政總裁譚新強稱，明年金融板塊會是股市主題之一，滙控更是心水股份，旗下基金亦持其財務權益。「呢舊係靚肉，短炒長燜兩適宜」他指出，年內已有中國的「聰明錢撈底」，而獅子行陸續出售其全球業務，聚焦在亞洲市場後，其資本要求已有所下調。
滙控不如科網股般有幻想空間，但勝在夠穩健。同時，特朗普上任後，如不針對華爾街、收緊銀行監管，「罰少啲錢已經好好」。再者，加息周期不利收息股，而滙控息率有6厘，若能保持，自然吸引資金換馬。

新經濟股稍事休息

內銀股亦要留意，但較受中國經濟影響，假如經濟情况不俗，其市賬率（PB）可望升回1倍，有不少上升空間。至於中資保險股則需要小心，因中央未必想A股升回4000點以上，系統性風險亦大。
基建股是金融股之外，另一個重要主題。美國有特朗普要振興當地基建項目、修橋補路，中國明年亦然。「中國唔起樓，嗰部鏟泥機就拎去起基建，都係要搵嘢起嘅。」譚新強謂，中美短期內的主調在基建之上，將帶動鐵路，甚至鋼鐵、煤炭等板塊，估計可以維持數個月至一年。
舊經濟股重返當炒行列，新經濟股則是稍事休息，因為基建、銀行股市盈率低，而息率高，資金自然由科網股換馬。本地地產股及公用股在加息周期下，自然不宜沾手。