趙頌茹只收錄兩首新歌的細碟《That'sYu》今日推出,而其師弟李逸朗同是收錄兩首歌的細碟《TheSingle》亦是今日推出,似乎是以自己人打自己人。
太陽帽贈歌迷
其實香港樂壇很少歌手會推出只得兩首歌的細碟,原來二人所屬的MusicIcon唱片公司希望今次能集中火力,為阿Yu及李逸朗催谷兩首歌,希望歌迷覺得物有所值。
阿Yu表示不覺得與師弟打對台,相反二人是攜手合作一同出碟一同宣傳,阿Yu說:「我哋會一齊開簽名會,到時我哋重有啲特別版嘅太陽帽送畀歌迷,我同佢一個男仔一個女仔,歌路都唔同,邊有得鬥呀!」
李逸朗則說:「呢張係我第一張碟,好緊張呀,公司好落力幫我谷宣傳,重印咗好多貼紙畀我巡迴唱片舖咁派,我係新人,有阿Yu陪我同日出碟,一齊宣傳重好啦!」李逸朗透露他參演的新劇《當四葉草碰上劍尖時》正在播映,他稍後還會接拍邱禮濤執導的青春劇。
戲份少印象深
而忙於拍劇的阿Yu,提到她有份參演的新戲《無間道II》開畫票房甚佳,她開心地說:「雖然我得一場戲,但導演話我嗰場戲放喺結尾個位,嗰個係觀眾睇完印象最深刻嘅位喎,點都好,有份參與咁大製作電影,已經好開心。」
採訪:蔡如育