李蘢怡(Tiffany)前晚於理工大學擔任「AllStars3on3籃球賽」開球及頒獎嘉賓,由EO2及梁浩賢組成的明星隊亦有落場比賽,惜以十八比二十五落敗。
Tiffany透露於加拿大讀書時一直有打籃球,但返港後卻發現苦無對手,她說:「EO2唔會同我打籃球㗎,佢哋話我打得唔叻,又話費事撞一撞我就瘀喎!」
當晚場內有不少高大威猛的籃球健將,問到Tiffany可有遇到發展對象,她就說:「蕭定一叫我唔好拍拖住呀,而且我自己都唔想拍;就算睇中咗,要去食飯都要成班人去,唔可以俾人影到單對單約會呀!」
採訪、攝影:王崇穎