光大國際（257）主力環保業，食住國策，享受祖國未來5年，每年超過2000億銀人仔市場之外，啱啱有報道分析，祖國人口佔全世界22%，但係食水只係佔得全世界7%，內地過半河水、湖水及地下水，唔適宜飲用。缺水同時，作為世界工廠嘅代價，係食水嚴重污染問題。水係稀有品，兼且係必需品及無代用品，中四經濟教科書都有教，而祖國正正面對中四學生哥都識講嘅課題，光國主打污水處理，無論長、中、短線都肥仔水。
同類股中國水務（855）1年升幅接近4倍，現價係NAV（P/B）30倍水位，光國同期升幅不過47%咁大把，P/B區區1.4倍，光國平得交關。光國現價翻半番見1字頭，P/B只係兩倍多少少，睇齊外國同業P/B3倍水位，光國要翻一番見1.4元。祖國水為財，光國有賣點，遲早有芬佬力砌。同類股東江環保（8230）過去8日急升55%，光國更值得即炒。