新開倉的羅富全短時間已交三W，並成為了市場焦點之一，其實份屬「同門師兄」的容天鵬今季頭也開得好，對上兩次賽事均有馬贏，一改過往傾向慢熱作風。

明晚（13日）容天鵬行精兵制，並專攻兩組四班1200，只派出頭場「幸運興隆」及第二場「中華壹號」應戰，但仍各具問鼎實力。

其中「幸運興隆」上季不只一次成為落飛黨閘前目標，皆因上季初在形勢不算有利下，有本事於三班1400僅負於「怪獸家長」奪亞。

最終「幸運興隆」全季未贏，令不少專業人士燒鬚。究其原因，該駒上季分別經歷轉馬房、又由1000跑到1600米頻轉路程，再加上出賽一時跟前一時留後，根本長期處於摸索階段。

個人認為「幸運興隆」上季唯一實牙實齒打真軍，乃上季最後一仗配巫顯東跑四班泥地1200，埋門亦落飛成為大熱門，奈何騎者未夠硬淨，花了很長時間才能撻到「幸運興隆」，結果追唔切跑第三，論馬頂多耗力八分。

今次容天鵬搵潘頓替「幸運興隆」操刀，可算對症下藥，更難得是主要對手「紅星」潘頓騎開，可收知己知彼之效，還要後駒比較尺寸，換潘明輝並不容易騎出最高水準，更有助「幸運興隆」叩開勝門。