感激拍檔代守秘密
Kelly垂涎古仔靚肌
拍《八星抱喜》時Kelly已懷孕,其拍檔古仔雖然知道這秘密,但沒漏口風。
陳慧琳、古天樂及黃百鳴等早前在銅鑼灣受訪,宣傳賀歲片《八星抱喜》,懷有龍B的Kelly表示拍《八》片時已懷孕,但老公Alex沒反對她繼續拍戲,因為只是拍攝兩星期。Kelly又多謝古仔知道她懷孕也沒漏口風,果然夠老友。
古仔在戲中會露腹肌,Kelly大讚他在現場會舉啞鈴,十分勤力,Kelly笑說:「有場戲我要用支筆篤佢啲肌肉,佢好弗,100分呀。」問Kelly老公有否腹肌?她笑說:「啱啱拍拖同追緊我時都有,家就一patpat,佢見到古仔、華仔(劉德華)到呢個年紀都keep得咁好,佢都想靚。不過我冇要求佢操,我自己body都唔係咁靚啫。」Kelly指幸好老公起碼不會有肚腩,而他懂得在飲食方面節制。
至於古仔,他表示戲中有場全裸戲,但拍攝時沒有尷尬,因其實他是有穿打底褲,他說:「我腹肌胸肌都有,不過谷唔切,又驚操得太犀利,以前都試過肌肉勞損。」
另外,《八》片中有一場戲講述吳君如無家可歸,甄子丹接她回家,撞正演子丹女友的應采兒回家,子丹情急下推君如入衣櫃躲避。拍攝時要現場收聲,要把所有冷氣關掉,君如被關在衣櫃,再被層層衣服遮蓋,加上現場射燈的高溫,她在櫃中僅五分鐘已汗流浹背。每拍完一個鏡頭,子丹即打開櫃門,讓君如唞氣。
採訪:溫敏芝
攝影:黃文偉