鍾淑慧同老公吳岱融近月回歸娛圈，有不少工作，噚日鍾淑慧就喺馬來西亞出席佢首個代言美容產品活動，老公同當年做伴郎嘅郭政鴻，仲有林偉辰專誠到場支持。
大會仲送上蛋糕，即場幫鍾淑慧同佢老公補祝上個月28號嘅結婚21年周年紀念。今次鍾淑慧頭炮復出做代言，孖住老公出活動，「合體」價據聞有接近七位數字酬勞。
撰文：馮仁昭