杜德偉（Alex）今日現身書展，撐好友蘇永康推出新書《衣櫃裡的男人》。

問佢有冇興趣出書？Alex透露出書唔係一件簡單嘅事，其實佢喺5年前已經埋首寫書，細錄自己經歷、MichaelJackson過身，到媽咪離開，佢寫到好難過，直到爹哋過身，Alex話：「傷心過度，我擱置咗，寫得好痛苦，唔知點結局，最後係寫咗10萬字，0依家儲存咗喺電腦入面。」

會唔會搵人代你整理一下再出書﹖Alex表示唔會，想一手一腳去搞，加上入面內容有好多都牽涉好多朋友。

另外，自結婚後，Alex指自己開心咗唔少，總之人生無常，要帶有正面、樂觀態度。