賭王何鴻燊嘅四房長女何超盈近年專心從商，早前同媽咪梁安琪接受大陸嘅節目訪問，喺節目度梁安琪除咗講當年同何鴻燊嘅相戀經過，超盈仲喺節目裡面晒咗條片，透露目前賭王嘅身體狀況。

原來賭王擔心自己睇唔到個女出嫁，於是乎搵埋看護仲有猷亨、猷君齊齊拍咗條短片，好似預演賭王送女出嫁！短片嘅背景音樂係結婚進行曲，見到超盈蹺實賭王慢慢行，梁安琪扮做神父，新郎哥就搵咗一個狗狗造型嘅汽球，梁安琪就問超盈願唔願意嫁，超盈攬住「新郎」話：「多謝你呀！好靚呀！」

精神唔錯嘅賭王，開口問梁安琪：「你的孩子誰先結婚？」四太講完話最想邊個結婚之後，即刻扭轉身望住猷亨，猷亨即刻鬆人，之後聽到成家人哈哈大笑！

之後超盈喺節目話：「要逗他，因為如果不這樣的話，他不願意動，我說要結婚了怎麼辦，你都不準備一下那你怎樣走。」

精選娛聞，喺晒《娛果》
http://fb.com/appledailyent