當年今日
關於我們

【李八方online】老董唔鼓勵 陳太等足16年先去台灣?

蘋果日報 2017/12/19 18:13

台灣陳太李八方

前政務司司長陳方安生今日同傳媒茶聚時透露,早前喺舊行政會議成員定期聚會上,同曾蔭權見過面,形容對方精神幾好,並獲得家人大量支持,形容煲呔嘅「精神好過之前」。
陳太又透露,二月中將到美國攞獎(O'Connor Justice Prize),係亞洲區首名女士獲得此獎,相信獲獎係因為多年來為民主同公義發聲,覺得多啲國際社會關心香港情況係好事,佢此行亦會趁機去華盛頓,同不同智庫及政治人物會面,亦會接受當地華盛頓郵報同紐約時報訪問,分享對香港最新睇法,但話明新年前返港,同屋企人慶祝。
過去16年從未去台灣的陳太又透露,2001年由政府退休後,時任特首董建華曾勸過佢,話唔鼓勵佢去台灣,原因陳太都唔知,「我都唔知董生諗乜嘢」。佢話此後一直都無去過,「一等就等咗16年」,直至最近先同屋企人去台北旅行,覺得當地食嘢好平,台灣人亦好樸素、好友善,佢最鍾意係台灣嘅小食。