韓國男團BIGBANG隊長G-DRAGON（GD），上月先來港開騷，今日就再次襲港，出席代言品牌嘅見面會。GD之前宣佈下年入伍，分分鐘此行會係入伍前最後一次來港，因此吸引過半百粉絲接機。

早上11時25分左右，包到冚嘅GD，雙手合十，邊打招呼邊步出VIP通道。不過今次啲粉絲比較唔守秩序，保安亦未有特別攔住粉絲，因此GD一現身，粉絲即失控湧上前。GD上車之後粉絲就包圍架車，要保安不停提醒粉絲小心啲、唔好衝出馬路，擾攘咗一陣，GD坐嘅車先可以開走。