王賢誌、鄭欣宜及杜德偉等前晚在會展出席「愛心滿東華慈善晚會」,提到郭偉亮在社交網發表「恐同」言論,藍奕邦以千字文質問一事,已出櫃的王賢誌說:「佢(藍奕邦)覺得有被歧視同唔舒服,大家說話都應該小心啲,唔只係性取向問題,講嘢令人唔舒服應該三思。我過往經驗,有時朋友說話,我都會諗係咪話緊我、擺我上枱、取笑緊我性取向呢。不過我公開身份同結婚後,已經冇負面聲音,社會需要進步、互相包容。」會否鼓勵藍奕邦公開身份?王賢誌說:「佢冇正式咁公開過,呢啲冇得鼓勵,睇每個人意願。唔應該逼人,無論係gay定雙性戀,感情生話都唔關大家事。」