動畫電影《煙花，應該和誰看》明天在港上映，呢套新作被視為係繼《你的名字。》後又一話題動畫，故事改編自名導岩井俊二舊作《煙花》，真人版由奧菜惠主演，而全新動畫版就由新房昭之執導，邀得人氣影星菅田將暉、廣瀨鈴、松隆子及著名聲優宮野真守負責配音。為配合《煙花，應該和誰看》，本地影片發行商跟位於九龍灣Megabox嘅日和号壽司料理大玩主題美食，唔止推出兩款為電影而設嘅「煙花雪糕牛角包」及「花火香芒沙冰」，仲將食店佈置成片中靚景，打造主題餐廳滿足影迷。

餐廳內不同角落都加入電影場景元素，更設有主題拍照區，重現電影中男女主角於煙花盛放一刻嘅會面情節，又可以同女主角小薺人形紙板公仔合照。