袁偉豪、海俊傑、陸詩韻、何紫綸等今日在尖沙嘴出席一間手錶店開幕，提到收藏手錶，袁偉豪表示收藏了10多隻，「有運動型、有啲係心頭好，有啲係限量版，我會買有升值潛力嘅手錶，將來又可以傳畀下一代。」最貴的手錶價值多少錢？他說：「6位數字之內。」會否跟女友張寶兒戴情侶錶？他表示：「都會留意，但另一半鍾意唔係咁樣嘅款式，可能會同系或者同色。」除了手錶之外，他現時更想投資磚頭增值自己的財富。

陸詩韻早前與友人在北海道旅行，到埗當天即遇上5.8級地震，她說：「貴人出門丫嘛，上年遇颱風，今次遇地震，其實日本好先進，手機一響，個個都踎低，當時我行緊激安，店員叫我唔好畀錢住，先到戶外避，其實我感受唔到地震，但朋友話係有輕微一下搖晃，大家有啲驚，仲諗使唔使改行程，不過最後冇改，時也命也，天安排。」問到她此行有沒有艷遇？陸詩韻說：「同行有個男仔朋友帶住BB玩滑雪板，我覺得好有型，所以我都想學。」何紫綸聽到便說：「我以前都有玩滑水，所以都想玩滑雪板，如果同陸詩韻一齊去，我可以幫佢拍片。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef