亞姐王瑋將在11月7日喺旺角麥花臣場館舉行《王瑋Grace等愛的女人見證音樂會》，今日喺尖沙嘴舉行宣傳，歷屆亞洲小姐楊玉梅、羅霖、張家瑩、程瑤等，以及亞視前藝人魏秋樺、張煒等現身支持。

王瑋喺記者會上展歌喉，期間表示自己出生於破碎家庭，渴望有愛，自離婚回流香港後得到不少朋友和社會嘅愛，今次特意舉辦名為等愛的女人演唱會回饋大家。

專程撐好姊妹嘅羅霖表示會全力支持，但就不會上台演出，會呼籲人買飛。王瑋表示：「三年幾前回流香港，重踏舞台實現兒時夢想，知道唔係咩大明星做騷，但覺得用心實現最重要，實現夢想並唔係一個人力量。」

羅霖叫王瑋現實中搵番個男朋友？王瑋話：「我囝囝咪我男朋友囉，佢係我最大動力。」羅霖話感情方面最緊要唔好計較。

講講下，王瑋突然間爆羅霖都好事近，羅霖即刻好緊張話：「我未未未，唔好爆我啲嘢住，講你先。」王瑋指11歲兒子因在少林寺學功夫讀書，嚟唔到捧場，但會拍片同大家分享，佢希望開騷後爭取多啲時間陪個仔。