金像影后姬妮芙柏露（GwynethPaltrow）同Coldplay主音ChrisMartin，兩年前決定結束10年婚姻，現時佢哋各自都有另一半，但早前Chris被爆喺去年5月接到姬妮芙簽署嘅離婚文件後，遲遲都未動筆，搞到佢哋宣佈分開兩年都未正式離婚。

今日有報道就指Chris擾攘10個月，終於都簽咗離婚文件，現時佢同姬妮芙關係仍然好好，將仔女放喺第一位，報道指佢哋會共同撫養一對仔女，同平均分配財產。

唔知道Chris點解搞咁耐都唔肯簽紙離婚，但Chris近日受訪時就承認喺決定離婚後，佢情緒低落咗近一年時間。