當年今日
關於我們

港交所員工夏天唔使打呔

蘋果日報 2006/11/06 00:00


每逢夏天見到中環西裝友汗流浹背,華華都戥佢哋辛苦,而且因為咁要開大冷氣,就更加唔環保。咁好多企業都已經喺今年暑假,畀員工唔着西裝返工。港交所亦加入做環保先鋒,喺最近一期季刊裏面講到,為咗響應政府節約能源嘅呼籲,改善空氣質素,喺今年夏季,港交所已經就員工上班服飾實施新指引,除咗要着制服嘅員工外,喺6月至9月夏季期間,其他員工唔使着西裝及打領呔。
不過,員工如果要見客、出席會議或活動時,仍然需要穿着整齊商務服裝。新服飾指引亦適用於喺交易大堂工作嘅經紀行負責人員同埋出市員。其實,近年啲出市代表,都唔係好多人打呔或者着西裝,𠵱家出埋指引,更可便服一道。