人氣漫畫《名偵探柯南》到0依家仲未做完，平時查案超班嘅柯南，今次就被網民發現笑點。事緣今日網上瘋傳兩張柯南相，初頭睇都冇乜特別，但乍看之下，竟然其中一張相小蘭捉住柯南隻右手，不過柯南竟然得四隻手指；另一張相又點呢？就係柯南用手托住下巴諗緊嘢，不過就被眼利網民發現，佢隻右手（又係右手﹗）有六隻手指喎，咁柯南到底又幾多隻手指呢？

有網民就抵死留言：「四隻加六隻等如十隻。」，亦有人話：「從此柯南在中國禁播。」之後再有網民Cap咗張柯南右手有五隻手指照片，就話：「真相永遠只有一個。」咁柯南右手究竟有幾多隻手指呢？？