擁有34D上圍的袁嘉敏和34C的蔡恩真，前晚在尖沙嘴一個內衣騷內進行胸戰，集性感和可愛於一身的蔡恩真大獲全勝，蔡恩真擔任模特兒即場示範了8套新款內衣，身材玲瓏浮凸，贏盡全場掌聲。袁嘉敏穿上一件灰色冷衫胸圍外露，由於室內溫度高，袁嘉敏在台上分享穿內衣心得時被發現腋下全濕，相當尷尬。

曾在韓國推出內衣的蔡恩真表示有意在香港捲土重來，重新推出其自家品牌。今年聖誕，蔡恩真選擇在香港跟朋友一起度過，單身的她，希望今年找到另一半，她說：「暫時未有男友，希望今年聖誕搵到啦，順便物色老公。」近日是非纏身的袁嘉敏，被問到是不是因為覺得自己紅，所以「錫身」，她說：「啱啱去完澳洲度假半個月，當地日日攝氏40幾度，一返港已覺得勁凍，同埋我本身係嚟分享着內衣嘅心得，我覺得呢套衫都好適合我，都性感嘅。」
有報道指袁嘉敏想轉投王晶旗下，飛起太陽娛樂的黃柏高（Paco），又指袁嘉敏的工作態度差，惹來不少同事投訴，她對控訴不以為然：「我都係啱啱返，未有時間留意報道，亦暫時無意離開，一切如常。以前我冇經理人，但因為一篇報道，Paco睇完之後打畀我，話不如做我經理人啦。大家都合作得好舒服，冇離開嘅意思，佢亦都冇叫我離開。」
採訪：張俊銘
攝影：葉君海