今晚（15日）谷草賽事用C欄，度地儀指數2.70，場地掛牌為好地至快地。如天氣情況許可下，將按計劃在第4場後進行壓地。

睇番最近12月14日同一移欄賽事，亦是好至快地及度地儀指數2.7，當晚中內檔馬佔盡優勢，一檔馬更加半數入Q，其中「快樂神駒」、「金飯碗」及「萬馬飛騰」都係藉一檔之利贏馬，就算居中後上馬如「金飯碗」、「蒜頭爺爺」及「萬馬飛騰」，都係貼欄慳位後衝贏對手，走外叠好蝕底。

今戰列陣馬中，第二場「聚歡笑」過往兩次排一檔均贏馬，今仗又抽食糊檔位一檔，可爭季內第三WIN。另外，第四場「多多勁驥」曾兩勝谷草C欄，快馬抽埋二檔好位有力放到。