有份演出韓劇《她很漂亮》嘅Super Junior成員崔始源，孖同門嘅東方神起成員Max同日於上年11月以義務警察身份入伍。久未露面嘅兩人，今日就齊齊着住制服，現身首爾龍山葛月洞嘅警察廳人權中心，為當局「第5屆警察人權電影節」嘅活動表演及主持，據了解「警察人權電影節」係為咗宣傳保護人權嘅重要性而每年都會舉辦嘅活動。