英超成日畀人話好睇在競爭夠激烈，冇咩真正強弱之分。睇番今季意乙，似乎情況仲恐怖，9輪聯賽過後，巴勒莫同費辛隆尼以15分帶頭，前14名球隊只係相差3分，你冇睇錯，係一場波之差嘅3分！

不敗之師巴勒莫，都只係得3勝6和，而成個聯賽贏得最多波嘅球隊，都只係贏得4場，可見成個聯賽實力何等接近。

至於90年代好威水出產保方、簡拿華路等名將嘅帕爾馬，經歷破產由零開始過後，今季升上意乙，而家就排第15名，同榜首差4分，喺咁樣群雄混戰嘅狀況下，隨時唔覺意偷到雞爭升班！