在森林和原野是多麼的逍遙，但對於牧羊人華哥及一班羊咩咩來說，平靜的日子卻正在倒數。華哥是粉嶺北發展區內唯一一名同時養羊和養蜂的農戶，惟隨新界東北發展計劃最快明年下半年開始收地，華哥的羊棚亦將被清拆，約60隻山羊亦將無家可歸，「咩方法都要試下，唔通殺晒啲羊咩？」

「出嚟啦！」放羊，是華哥每日下午的「指定動作」，他一聲令下，60隻大大小小的山羊，即魚貫地走出羊棚鐵門，拿著掃帚的華哥跟在羊群後面，一路趕羊一路清掃羊糞。羊群在圍上鐵絲網的草地吃草，走至梧桐河時又要跳過卡板、穿過挖土機，山羊們更一度被挖掘噪音嚇得不敢走近，華哥說：「而家成日有工程，啲羊已經好驚」。

談起羊群，華哥總是掛著「爸爸的微笑」，「繁殖、餵奶、放羊，全部都係我一個負責，佢哋食完草個肚就會脹卜卜，就知佢哋飽未」。與羊結緣，已是回歸時的事，「97之後啹喀兵撤出香港，佢哋回教食羊，但啲羊帶唔走，就貪得意買幾隻，諗住退休養嚟當生活費、打發時間，點知一路養到而家」。他說，最高峰試過養約130隻羊，但他從不吃羊，所養的山羊主要售予新界果農，為果農除草施肥，「啲羊好有靈性架」。

華哥一手一腳打理的羊棚及養蜂場扎根石湖新村多年，但地點正好位於新界東北發展計劃中首期工程。他說一直是向地主租地，惟地主已將地售予地產商，「未知幾時要搬走」，但認為政府應讓農戶有妥善的安置安排才動工。他又說，曾多次與當局會面，要求租用官地繼續經營羊棚及養蜂，「梧桐河有幾個河曲係綠化地，根本可以容納我」，惟當局以他是「個體戶」為由拒絕，「話我係非牟利團體個啲就容易啲，叫我去搵私人地方，但我係受發展影響嘅，就一定要去返政府地方」。

華哥續指，本港尚有75%土地未開發，亦有不少地未有地盡其用，「何來無地？要發展新界東北，就一定要發展埋個高球場，得嗰二千個會員，但就用咁大幅地」。被問到若租不到官地，會有何打算，他說：「咩方法都要試下，唔通殺晒啲羊咩？要殺晒就一早唔使傾啦，你幫我拖走晒咪得，要殺我真係唔捨得」。

政府發言人沒有正面回應華哥的情況及安置安排，僅稱一般而言，租用政府土地須先得到相關政策局的支持及視乎有關部門對選址的意見。

記者 李詠希