西貢菠蘿輋南山里村民發現有人非法砍伐官地上樹木及傾倒泥頭，用以開墾土地，以開闢道路。但居民不滿地政署及警方互相推卸，轉向《蘋果》求助。地政署跟進後證實，確有人在官地非法建造臨時通道，若證據充份，定會檢控違規人士。

「我哋只係想環境得以綠化，若只係為咗方便啲人出入，就斬晒啲樹木，實在太離譜。」

肆意砍樹開闢車道
菠蘿輋南山里村民投訴稱，附近有丁屋興建工程正在進行，近日有人竟擅自砍伐官地上樹木、部份甚至被連根拔起，以開闢道路方便車輛出入，對生態環境造成極大破壞。
其中村民陳先生稱，南山里雖非豪宅區，但村內樹木均已種植多年，對綠化環境有很大幫助，只因一小撮人為方便出入而肆意破壞林木，非常不值。
陳先生不滿地道，除非法砍伐樹木外，更有人非法傾倒泥頭，村民曾向地政署反映，但地政署職員着他報警，他致電報警時，警方又着他向地政署求助，幾經擾攘，地政署才接手處理。
「地政署調查後都證實，咁樣喺公地砍伐兼倒泥頭，係非法行為，但個問題暫停一陣後，無幾耐又開始出現番！」陳先生無奈稱，不久之後又再見大型泥頭車出入工地及見有人繼續肆意砍伐樹木，以擴闊通道。
「投訴咗又點？啲人仍然繼續非法砍伐，目無法紀！政府部門處理都好似冇大改善，真係冇晒辦法！」