智能手機當道，上一代「手機之王」諾基亞（Nokia）被蘋果公司（Apple）及三星（Samsung）拋離九條街，為挽回劣勢，諾基亞推出新機109，不過賣點唔係「艷麗屏幕」、「又輕又薄」或者係「大mon」，而係反樸歸真，賣持久！

呢部機似唔似十年前各位用的機款呢？冇錯，以現今的手機功能而言，諾基亞109的配置可以用「低到無倫」來形容，S40平台，只支援GPRS／EDGE2G網絡，TFT屏幕得1.8寸，像素128x160，無得影相，拎住部機，十足十回到過去。

諾基亞官方話，呢部機係賣實用，可待機33日，亦可持續通話7.5小時，仲可上網同聽歌！咁樣的賣點，真係多謝哂！不過，呢部機真係好平，賣42美元，折合328蚊港紙，將於今季在中國、亞洲和歐洲地區發售。

在網友笑言，終於看到了諾基亞的希望，甚至話係業務救星，但亦有人撐呢部機唔駛好似iPhone咁日日叉電，正喎！您又點睇呢？