由朴信惠、金來沅、李聖經、尹鈞相等主演嘅韓劇《Doctors》去年6月20號首播，仲有幾日就播出一年。

而一班年紀相若嘅演員仲keep住好友情至今，朴信惠前日就喺Instagram公開相約同劇演員李聖經、尹鈞相同池伊秀嘅合照，眾人大擺甫士，十分鬼馬，朴信惠仲留言大讚尹鈞相Oppa個表情好鬼馬。

另外，由李聖經男友南柱赫孖申世京、Krystal、孔明、林周煥等主演嘅tvN新劇《河伯的新娘2017》將於下月首播，劇集如人氣劇《鬼怪》一樣以「神」同「人類新娘」做主題，劇組噚日就公開最新劇照，當中一眾演員就以全白Look示人，一字排開影劇照相當有氣勢，而南柱赫仲作狀咀申世京，唔知女友李聖經見到又有乜感受？