當年今日
關於我們

【強調返酒店「乜嘢都冇發生」】洪天明由公司解畫:飲大咗要人扶順勢拖手

蘋果日報 2017/12/16 11:13

洪天明周家蔚偷食上海拖手飲醉

43歲嘅洪天明,婚前已經係喜愛夜蒲,酒量應該唔錯0架,原來唔係。
上周末洪天明被拍到喺上海新天地一間夜店與友人飲酒狂歡,之後鏡頭一轉,戴咗黑色mask嘅洪天明,同一名年輕辣妹去停車場攞車,驅車直往酒店。去到酒店之後,仲拍得二人拖手去搭lift。
今日出嘅周刊搵到洪天明,洪天明只係講咗幾句,承認事件令夫妻感情受影響,太太周家蔚為此事唔開心,但暫未影響婚姻關係。洪天明又話,所屬公司,即銀河海潤叮囑佢唔好為此事回應喇。
點知,大陸嘅騰訊娛樂就話,銀河海潤獨家回應佢哋,聲稱還原事發經過,稱洪天明當晚係飲酒累事,就係因為佢飲咗太多,不勝酒力,咁呢個女仔就好心扶佢,仲呢,扶扶下,就「順勢」拖埋手,但係呢,乜嘢事都冇做嘅。
銀河海潤負責人又話,洪天明已向公司承諾,唔會再放肆喝酒,謹言慎行。
但係睇番讀者向台灣傳媒報料嘅短片,片中嘅天明並唔係由哪位女事主攙扶返酒店,相反係見到步履急速嘅天明,一個箭步咁拖住個女仔行去搭升降機……咁事件真相相信就真係只有當事人先知喇!
更多娛聞,喺晒《娛果》
http://fb.com/appledailyent
empty
(資料圖片)
empty
(資料圖片)
empty
天明與周家蔚育有兩名兒子。(資料圖片)