日前有單新聞（新聞連結： http://bit.ly/2t6c3Ty ），引起大家注意，仲搞到大家好多疑，問呢位中國小姐趙哲妤阿媽李渠興，點解咁有錢呢？逾三千萬物業送俾三個女，劏舖撈底係個個細女學做生意，孫女小魚未出世，就豪花百萬裝修全屋，又買新車Tesla迎接孫女出世，呢位闊太，又真係好闊喎！

咁點解趙太會是一個闊太？

呢個又係獅子山下嘅其中一個故事， 據知，80年代時趙媽是做首飾廠，三個女可以話係喺一堆二堆嘅首飾入面成長。當年香港樓價一直不停標升，好多香港嘅廠房為咗節流，被迫北上發展，趙媽都一樣，佢去到內地浙江義烏開分公司，當時能操兩文三語嘅人唔多，趙媽就係其中一個，所以佢當時係非常吃香，很多外國客，同埋內地廠商，因為方便溝通。都指明話要搵趙太跟單，就係咁樣，趙太慢慢發展咗佢做首飾出口嘅貿易生意。

趙媽，其實同好多香港人一樣，喺香港轉型嘅時候，佢都試過做各行各業，好似開便利店、香薰、傳銷，或者係保險，真係無咩難到佢，加上佢本身性格，就係一個打唔死嘅女鐵人，比起好多男人，佢更加硬淨，做生意更加係無往不利。趙媽嘅生意，越做越大，啲客仲係來自世界各地，主要仲係歐洲、英國、法國、愛爾蘭等。趙媽咁忙，所以都好少時間照顧三個女，一年計算，佢有7個月唔喺香港，有時返香港見一見三個女，第二日又話要飛，所以三個女都係工人湊大。

艱苦經營貿易生意，趙太賺到佢第一桶金，隨著香港經濟起飛同埋轉型，趙太開始學習投資，主攻物業，無論係住宅、商舖、工廈單位，地至車位，趙媽都唔放過。趙媽更加有自己一套買磚頭嘅方程式，就係槓桿原理，當租金可以cover供樓，佢就會即刻搵另一項投資目標。所以話，雖然佢冇投資劏舖經驗，但係早期嘅劏房，每月租金16厘，佢賺咗一段長時間，直到政府宣揚加強管制之後，佢就冇再買賣洋樓劏房，即刻轉戰一手物業。