日本人氣女星水原希子同韓國男團BIGBANG隊長G-Dragon（GD）傳出分手後，近日來港為新片《進擊的巨人2：EndoftheWorld》展開三天宣傳之行，噚晚同男主角三浦春馬去完觀塘apm嘅全球首禮禮後，佢趁臨走前當然唔放過掃貨機會，今日下晝就走咗銅鑼灣I.T，仲滿載而歸！

由於I.T旗下品牌b+ab搵嚟水原希子擔任今季imagegirl，所以今次難得到香港，佢就落舖同自己嘅新廣告影番張合照，而且仲掃走幾大袋戰利品，難怪笑得咁開心。講到食方面，水原希子今勻再到香港就有去酒樓飲茶，試盡唔同點心，仲落晒手咁食雞腳，佢前日喺微博留言話：「鳳爪好好吃，就是太費勁。但是花生米都被我吃完了！」