環球晒冷灌輸正能量
馮仁昭四圍超：阿倫教Eason吹水抗抑鬱 - 馮仁昭
蘋果日報 2009/10/07 00:00
環球結集旗下大部份歌手合唱咗隻《人人英雄》，遲啲仲推出唱片，噚日眾歌星到灣仔出席記者會，當中包括譚詠麟（阿倫）、李克勤、陳慧琳（Kelly）、謝安琪（Kay）、張敬軒同陳奕迅（Eason）等。幫隻碟寫咗首《天國地獄》嘅關楚耀同張學友就冇出現。
最近緋聞傳得好犀利嘅Eason同Kay難得同場，佢哋都表現大方冇避忌，仲企埋一齊傾偈。訪問時，阿倫爆Eason有段時間好抑鬱，佢話：「有次做嘢，Eason助手話佢喺車入面好upset，因為工作太多，後尾我叫佢唔好呻。我係（搭）訕王，佢係吹神，大家傾偈，抑鬱就散晒。」Eason就話：「家偶爾我都呻，但校長（譚詠麟）教咗我好多嘢，有啲會記住，好似玩嘅格言。」
最近緋聞傳得好犀利嘅Eason同Kay難得同場，佢哋都表現大方冇避忌，仲企埋一齊傾偈。訪問時，阿倫爆Eason有段時間好抑鬱，佢話：「有次做嘢，Eason助手話佢喺車入面好upset，因為工作太多，後尾我叫佢唔好呻。我係（搭）訕王，佢係吹神，大家傾偈，抑鬱就散晒。」Eason就話：「家偶爾我都呻，但校長（譚詠麟）教咗我好多嘢，有啲會記住，好似玩嘅格言。」
雖然猛傳緋聞，但Eason同Kay仍大方企埋任影。
當克勤揸住支旗時，阿倫立即重提佢當年嘅插旗風波，搞到佢鬼咁尷尬。
Eason（右）身為後輩，同校長一齊做訪問，梗要揸住支咪服侍。
劉美君噚日都有出席記者會，為港人打氣出一分力。
Kelly克勤講湊仔
已為人父母嘅克勤同Kelly一見面就講湊仔經，克勤話：「我相信環球有最多做爸爸媽媽嘅歌手，可以全部人合唱一首講家庭嘅歌。」Kelly講到囝囝劉昇時話：「囝囝家15磅，抱起嚟好辛苦，我都同Kay傾，佢話會抱到手瓜起。」
現場眾人攞起支旗，阿倫重提當年克勤講插旗引起嘅風波，校長喺台上話：「克勤，插旗你最有經驗。」之後佢哋將寫滿正面訊息既旗放喺佈景板上，阿倫又對劉美君講：「插旗要有技巧o架，要歪啲先插到。」
現場眾人攞起支旗，阿倫重提當年克勤講插旗引起嘅風波，校長喺台上話：「克勤，插旗你最有經驗。」之後佢哋將寫滿正面訊息既旗放喺佈景板上，阿倫又對劉美君講：「插旗要有技巧o架，要歪啲先插到。」
陳慧琳話囝囝劉昇已15磅，抱得佢好辛苦。