果邊傳出中超上海申花以天價簽咗前車路士同紐卡素前鋒丹巴巴亞，同樣嚟自上海嘅上港亦都唔執輸，《ESPN》引述消息人士報道，現時領軍上海上港嘅瑞典籍教練艾歷臣，有意出高價羅致艾阿恩前鋒基恩。

報道指前英格蘭國家隊領隊艾歷臣睇中基恩個朵夠響，希望引入呢名加納國家隊隊長提升球隊實力同知名度，雖然報道無提及實際轉會金額，但一般估計有關數字唔會低得過申花羅致巴亞嘅金額太多。現年29歲嘅基恩自從加盟艾阿恩後，喺63場聯賽取得73個入球，佢亦都係國家隊史上首席射手，喺90場國際賽射入48球，佢同艾阿恩嘅合約要到2018年先至屆滿。