鄭少秋、王貽興與呂慧儀主持的無綫節目《謎》，上周收視平均23點，比之前播映的《一生為奴》升8點，最高得28點收視（約181萬觀眾收看），昨日無綫特地於將軍澳舉行祝捷會。
談到秋官於節目使用英文名字Adam，他說：「我原名鄭創世，Adam係我英文名，我已經夾硬要我老婆改名叫Eva（夏娃）。」至於有網友批評謎女郎呂慧儀於節目內，來去像女鬼，秋官說：「討論區得嗰十幾二十個人講，得幾句回應，都好，等啲人鬧完又睇囉。」

泳裝搶收視

秋官謂謎女郎稍後還會以泳衣及神奇女俠等造型搞噱頭，問到他的老婆喜不喜歡謎女郎？秋官說：「老婆梗係唔鍾意啦，佢同我合作，太後生又靚嘛。」呂慧儀對於自己被批評像佈景板，她說：「都唔係，我覺得個節目幾有創意，只係一小撮人講啫，我𠵱家出街都有人認得。」
此外，王貽興昨日與Jacky仔王樹熹在電視城拍攝健康食品廣告，他自稱是窮書生，對於首次拍廣告，貽興說：「酬勞唔係好清楚，應該過五位數字，我都好有興趣知，不過經理人同我講新人唔計較，唔好錢行先，經理人幫我接得，都應該幾好，有時就係咁，唔知，唔理，可能有驚喜。」
採訪、攝影：卓美娟、楊潔雯