「六爺」羅富全從練首季取得65場頭馬，打破了由其師傅蔡約翰保持的58Win香港練馬師首季最佳成績，贏盡口碑。

他今季繼續有貨交，暫時已獲62Win，在餘下五次賽事（田戰三次、谷戰兩次），其目標是贏馬多過上季。

翻查紀錄，羅廐在上季最後三次田戰都有馬贏，共獲六勝五位，如今要在煞科前多贏三場，對他來說應不成問題。

下周一（7月1日）沙田泥草日馬，羅廐共派八駒上陣，最具勝望的肯定是第七場二班1200米「日日精彩」，本身季內兩贏同程皆易如反掌，復課試大閘再磨，備戰無鬆懈，轉戰第二班只負124磅可再下一城。

羅廐同日其餘實力馬有第五場四班1650米泥地「好腳頭」，八歲馬老而彌堅，今季三勝四班泥地賽，今場未嘗不可再創佳績。

第十場三班1400米「太陽威威」，前仗初跑同程即贏，難度甚高，上仗受阻兼搶口才熱倒，今次排第2檔起步，有利一展所長。

羅廐上季最後三次田戰均贏
日期 出馬 賽績
18年7月15日 六匹 兩勝
18年7月8日 十匹 三勝三位
18年7月1日 七匹 一勝兩位

-----------------------------
7月4日起 《蘋果動新聞》只限升級壹會員閱覽
繼續撐蘋果！